28, 29, 30 ნოემბერს და 1 დეკემბერს, ზუგდიდის შემოქმედებითი ინკუბატორის ბაზაზე, შოთა მესხიას ზუგდიდის სახელმწიფო სასწავლო უნივერსიტეტის ორივე ცენტრში – ზუგდიდსა და სენაკში, ჰიბრიდულ რეჟიმში ერთდროულად გაიმართა ტრენინგ-სემინარების თეორიული ნაწილი თემებზე: „შემოქმედებითი და სამეწარმეო განათლება“ და „პერსონალური და ორგანიზაციული უნარ-ჩვევების განვითარება“.
პრაქტიკული ნაწილი კი გაიმართება ფიზიკურ ფორმატში, შემდეგ კვირას. მათ ვინც ვერ მოასწრო დარეგისტრირება, მაგრამ დიდი სურვილი აქვს დაესწროს შემოგვიერთდით დასწრება თავისუფალია.
ტრენინგებზე ერთდროულად დარეგისტრირებული იყო 69 პირი.
როგორც იცით, ზუგდიდის შემოქმედებითი ინკუბატორის ბაზაზე შემოთავაზებული საგანმანათლებლო კურსები ეხება სტუდენტებს, სკოლის მოსწავლეებს, ახალგაზრდებს, შემოქმედებით სექტორში მოღვაწე პირებს.
პროექტი „ზუგდიდის შემოქმედებითი ინკუბატორი და იდეების ლაბორატორია“, ხორციელდება ა(ა)იპ პროფესიული უნარების სააგენტოს ფინანსური მხარდაჭერით, შოთა მესხიას ზუგდიდის სახელმწიფო სასწავლო უნივერსიტეტისა და ა(ა)იპ „ქრიეითივ სპარკ“-ის მიერ და ემყარება, ზუგდიდის კულტურის განვითარების სტრატეგიას, რომელიც შემუშავებული და დამტკიცებულია ევროკავშირის მიერ დაფინანსებული პროექტის „EU4Culture“ ფარგლებში.
