ბლოგერებისა და ინფლუენსერების კონკურსზე განაცხადების მიღების ვადა 20 დეკემბრამდე გახანგრძლივდა!
ბლოგერებისა და ინფლუენსერების კონკურსი – წარმოაჩინე ზუგდიდი, როგორც ხელოვნების, რეწვისა და გასტრონომიის შემოქმედებითი ქალაქი.
ზუგდიდის მუნიციპალიტეტის მერია, ააიპ ქრიეითივ სპარკთან თანამშრომლობით, ევროკავშირის EU4Culture პროექტის მხარდაჭერით შემუშავებული ზუგდიდის კულტურის განვითარების სტრატეგიის ფარგლებში, აცხადებს ბლოგერებისა და ინფლუენსერების კონკურსს!
თუ ხარ კრეატიული, გიყვარს წერა და მოგზაურობა, მაშინ ეს კონკურსი შენთვისაა!
მიიღე მონაწილეობა კონკურსში: „წარმოაჩინე ზუგდიდი, როგორც ხელოვნების, რეწვისა და გასტრონომიის შემოქმედებითი ქალაქი“, წარმოადგინე ბლოგის და/ან საიმიჯო ვიდეო რგოლის კონცეფცია და გახდი საპრიზო ფონდით გათვალსწინებული ფულადი პრიზის მფლობელი. საპრიზო ფონდის საერთო რაოდენობა შეადგენს 5 000 ევროს, წარმოდგენილი კონცეფციების თემებისა და აქტუალობის გათვალისწინებით შეირჩევა 1-დან 5 გამარჯვებულამდე.
კონკურსის მიზანია – ზუგდიდის კულტურისა და შემოქმედებითი პოტენციალის წარმოჩენა და პოპულარიზაცია, როგორც ხელოვნების, რეწვისა და გასტრონომიის მიმართულებით, ასევე კულტურული და შემოქმედებითი ტურიზმის თვალსაზრისით.
საკონკურსო თემები:
ზუგდიდი – ხელოვნებისა და რეწვის შემოქმედებითი ქალაქი – შემოქმედებითობა და ტრადიციული რეწვა ზუგდიდსა და რეგიონში, ადგილობრივი ხელოვანებისა და რეწვის ოსტატების, ხელნაკეთი ნივთების შექმნის ისტორიის, განსაკუთრებული ტექნოლოგიის, ტრადიციებისა და თანამედროვე გამოყენების შესაძლებლობების წარმოჩენა;
ზუგდიდი – კულტურული მემკვიდრეობის ინოვაციის ქალაქი – ზუგდიდის მატერიალური, არამატერიალური და ბუნებრივი მემკვიდრეობის და კულტურულ-ტურისტული ღირსესანიშნაობებისა და სტუმარმასპინძლობის წარმოჩენა და პოპულარიზაცია;
ზუგდიდი – გასტრონომიის შემოქმედებითი ქალაქი – ზუგდიდისა და რეგიონის მრავალფეროვანი და მდიდარი გასტრონომიული კულტურის, კულინარიული ტრადიციებისა და კერძების, ადგილობრივი წარმოშობის საკვები პროდუქტებისა და მათი მოყვანისა თუ მომზადების წეს-ჩვეულებების, ასევე სუფრისა და მასთან დაკავშირებული ტრადიციებისა და რიტუალების წარმოჩენა და პოპულარიზაცია.
კონკურსით დაინტერესებულმა პირებმა, მოთხოვნილი ინფორმაცია შეგიძლიათ გამოაგზავნოთ შემდეგ ელექტრონულ მისამართზე: zugdidi4culture@gmail.com
2023 წლის 20 დეკემბრის ჩათვლით.
დამატებითი ინფორმაცია იხილეთ ბმულზე 